剛回家，安全了
今日發夢去咗南邊圍，都已經算係帶齊裝備
但一個摧淚彈近距離爆埋嚟，發覺眼罩口罩都擋唔住啲煙
一路後退時，雙眼頂唔順即時除咗眼罩落嚟淋水
淋完後，先發現副眼鏡唔見咗
可能混亂間，除眼罩時侯連埋眼鏡都除甩咗
望住後面幾百人走過嘅路，我都預咗副眼鏡渣都無得剩
我仲要上星期為咗書展而新配...
同伴陪我返轉頭搵下 "殘骸"
屌你...竟然搵返副眼鏡，仲要完整無缺咁放咗喺路邊
應該係混亂間有人執咗，再擺喺隔離比我執返
本身八百度近視嘅我，一片模糊底下 戴返副眼鏡
一眼望落去，本身已經退守嘅路 再一次被我地覆蓋
夜晚離開時，沿途同火車入面都充滿一句
"光復香港 時代革命"
心情好感動。
我裝備唔夠，心身累了 同同伴退場了
希望仍在現場的人安全離開
因為班仆街警 已經當咗開槍係例行公事
我都唔數唔到 佢地班人開咗幾多槍射我地
總之萬事 小心 在場人士必須互相睇住大家 唔好落單
感謝今日幫我執返副眼鏡嘅義士
加油
係時侯要換裝了 廢裝嘅話真係一粒煙都頂唔到
如果要行前嘅你
真係要整副豬咀口罩 同 游水微鏡
如果唔係真係頂唔到
另外
鄉黑問題喺元朗 似乎係人所共知
我唔想將呢種問題 變成 一種 必然
唔想聽到" 元朗好惡架 好多黑社會 好耐歷史'
既然係咁 唔係應該要怕 要避
反而要盡快糾正呢個問題
香港係香港
唔容許有一區 係標籤成為 鄉黑勢力範圍咁
黑警打市民就叻
面對黑社會就縮
佢地處理唔到 就由我地將呢個問題放大同關注
Search